Home Politics SEÑOR MARINUS WEGEREEF TA E FELIZ GANADO DI E RIFA DI MEP...

SEÑOR MARINUS WEGEREEF TA E FELIZ GANADO DI E RIFA DI MEP Danki na tur esnan cu a contribui den e recaudacion di fondo pa eleccion 2021

SHARE

Na Cede di Partido MEP, diadomingo 28 di februari, a tuma luga e sorteo virtual di e rifa pa recuada fondo pa campaña electoral na september venidero. Partido MEP ta gradici tur esnan cu a contribui den e recaudacion aki pa yuda Partido cu fondo pa campaña. Nos ta den aña di eleccion y un aña particular door di Covid-19 sinembargo mester cuminsa prepara pa eleccion 2021 y pa esaki Partido MEP ta conta cu sosten di Pueblo di Aruba. E rifa a wordo hopi bon bendi pa cua Partido MEP ta hopi satisfecho y gradecido.

Señor Marinus Wegereef ta e feliz ganado di e rifa di MEP y a cumpra ticket for di su candidato faborito Parlamentario Rocco Tjon. Señor Marinus Wegereef a prefera di ricibi placa cash na balor di e auto nobo. Dialuna merdia, Presidente di Partido, Señor Hendrik Tevreden a entrega e premio na Señor Wegereef. Partido MEP ta felicita Señor Wegereef y ta gradici’e pa su contribucion na nos Partido y na nos campaña electoral.