Home Police Accidente cu basta daño material ariba brug nobo na Balashi

Accidente cu basta daño material ariba brug nobo na Balashi

SHARE

Green Corridor/ Brug nobo – Diadomingo anochi pa mas o menos 9:40 polis a haya informacion di un accidente ariba e brug nobo di Green Corridor na Balashi.

Mesora un patruya a bay e sitio y a constata cu tin un persona levemente herida, na prome instante a papia di varios persona pero na e sitio a presenta un ambulance so.

E autonan envolvi tawata un Toyota Yaris  y un Hyundai suv.

Na e sitio por a compronde cu e Hyundai suv a dal tras di Toyota pa despues perde control dal contra e beton y bay para mas padilanti.

Polis di trafico a laga cera ambos banda di e caminda, esta tanto rotonde di Pos Chikito pa direccion pabou y tambe rotonde Drive In direccion San Nicolas.

Personal encarga cu Green Corridor a wordo notifica debi cu lo tawata tin algun daño chikito y ruim op cosnan cu a keda benta ariba e caminda.