Home » Parlamentario Setty Christiaans-Yarzagaray, MSc (MEP): Nos hende muhernan ta 52% di nos poblacion: Sin bo nunca nos lo yega na igualdad!

Parlamentario Setty Christiaans-Yarzagaray, MSc (MEP): Nos hende muhernan ta 52% di nos poblacion: Sin bo nunca nos lo yega na igualdad!

by Admin
0 comment 67 views

No ta un secreto cu hende muher den e forsa laboral y den posicionnan halto di maneho y liderazgo no ta cos di tur tempo. Realidad awe ta cu hende muher a introduci su mes poco poco mas den e forsa laboral durante transcurso di tempo y aki na Aruba no ta diferente. Tin hasta estudionan haci pa ta observa e diferencia y e desaroyo den esaki. Na 2006 “The World Economic Forum” a introduci hasta “The Global Gender Gap Index” cu ta indicenan pa observa e gap di diferente factor haciendo comparacion entre hende homber y hende muher. Factornan manera educacion, salud, participacion y oportunidad economico y poder politico.

Tin diferente factor y obstaculo ta hunga un rol pakico hende muher no a integra facil den e sector laboral, bay studia y cumpli cu deseonan ambisioso di ocupa posicionnan halto den comunidad y den politica. Mayoria parti un aspecto cu no ta hacie facil ta famia, pa haya un bon balanse entre trabou, famia y responsabilidadnan domestico. Mirando cu e hende muher lo tin deseo di forma su propio famia, organisa su bida familiar, porta yuda cu cuido di nosnbiewnan di nos famia ta haci e hende muher su tareanan hopi pisa pa combina cu trabou y mas ainda den posicionnan importante di responsabilidad, di liderazgo y den politica.

Reflexionando riba dia di hende muher, como un di e temanan di e dia aki pa 2021, mi ta reta hende muhernan pa ban amplia nos posibilidadnan mas, sostene otro hende muhernan den posicionnan clave y pa nos ta miho representa den politica! Pakico? Paso nos hende muhernan ta 52% di poblacion di Aruba y sin bo nunca nos lo yega na igualdad!

Feliz dia internacional di hende muher!

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio