Home Police Homber despues di un pleito cu un yiu homber a bira hopi...

Homber despues di un pleito cu un yiu homber a bira hopi malo

SHARE

Cas di Paloma: Diasabra algo despues di 11’or di mainta, presencia di ambulance a wordo pidi cu urgencia na un cas na Cas di Paloma, pa un homber cu lo a bira hopi malo. Na yegada e paramediconan nan a bin topa cu un homber bou influencia y cu no lo tabata reaciona. E homber aki un rato prome tabata envolvi den un problema di famia na su cas na Pavia y pa e motibo aki paramediconan lo a pidi pa presencia di polis.

Na yegada di polis, ambulance ya caba a transporta e homber pa hospital. Na e sitio nan a bin compronde cu enberdad tabata trata di e homber cu un rato prome tabata envolvi den un problema cu su yiu homber.

Un yiu muhe di e homber, cu ta biba na Cas di Paloma, pa evita mas cu e problema sigui bira mas grandi, a dicidi di hiba e tata cu ne, pa bay keda na su cas na Cas di paloma, pa asina e sosega su curpa.

Un rato despues cu e la yega na su cas e la nota cu e tata a cuminsa bira hopi malo y a pidi pa presencia di ambulance.