Home Police Dos persona seriamente herida den un accidente di trafico, na Camacuri

Dos persona seriamente herida den un accidente di trafico, na Camacuri

SHARE

Camacuri: Diabierna algo prome cu 11’or y mey di anochi a sosode un accident basta serio riba e caminda principal di oranjestad pa San Nicolas, na altura di e ex veld di Camacuri.  Un Nissan Sentra a perde control, a baha caminda y a dal den un mata. E chauffeur y e ocupante a keda herida. Mesora a pidi pa presencia di polis y ambulance cu maximo urgencia.

Na yegada enberdad nan a bin topa cu e Nissan Sentra band’i panort di caminda, e auto tabata tin hopi daño materiaal y den e auto tabata tin dos persona herida.

Na prome instante a pensa cu e dama ocupante lo tabata pega den e auto y mesora a pidi pa materiaalwagen di brandweer.

Na e sitio nan a bin compronde cu e Nissan Sentra tabata bayendo direccion pariba y na momento cu e chauffeur di e Nissan Sentra a bay pasa un auto, e lo a wordo cera pa un otro auto y esaki a pone cu e la perde control, baha caminda y a dal contra un mata di Kwihi.

E impacto tabata hopi fuerte, e chauffeur tabata keha di dolor di lomba y e dama tabata sangrando bastante na su cara.

Tres ambulance y e Rapid responder a presenta na e sitio, mesora a cuminsa trata e chauffeur na e sitio y despues nan paramediconan a hink’e den ambulance. E personal di ambulance mes a logra saca e dama ocupante for di e auto, ambos a wordo transporta pa hospital.

Materiaalwagen a yega na e sitio, pero no tabata necesario mas, paso ya e victima a wordo saca for di e auto y hinca den ambulance.

Varios unidad di polis di Oranjestad y Santa Cruz tabata na e sitio y a cera e caminda for di e rotonde Las Americas te na e crusada di Pricesmart. Polis di trafico tambe a presenta na e sitio pa haci mas investigacion.