Home Police Autoridad na Aruba a habri y cera diabierna cu un “clean up”,...

Autoridad na Aruba a habri y cera diabierna cu un “clean up”, den forma di razia

SHARE

Oranjestad – Diabierna den oranan di atardi y por bisa tambe  cu den oranan trempan di diabierna mainta autoridad a tene un cantidad di entradanan Hudicial. Varios adres a haya bishita di teamnan di recherche compaña pa Fiscal y Huez Comisario.

Esnan cu tawata pasando den Playa pa ta exacto area di Koningstraat y Johan de Wit Straat por a mira cu e caya tawata cera y transportwagen di CEA hunto cu polis teniendo un accion.

Na Playa a detene un total di 6 cumprado.

For di Vocero di Polis nos a haya e siguiente informacion: 

” —Cuerpo Policial ta informa—

Den un razzia Project Team Drugspanden a confisca droga, placa cash y a detene 11 persona.

Project Team Drugspanden ta un team cu a wordo lanta pa investiga bendedornan di droga mihor bisa na hulandes“straatverkoop”.  

Awe di un razzia a detene e 6 prome personanan cu ta cumprado di droga. Conhuntamente cu ministerio publico y hues comisario a haci un entrada hudicial na un cas situa den Koningstraat Aki e team a detene den total di 5 persona: 

3 hende homber di cual nan inicial ta: K.Y.N. di 21 aña naci na Colombia, C.S.N. di 58 aña naci na Colombia, L.A.S.I. di 40 aña naci na Venezuela.

2 hende muher di cual nan inicial ta: M.F.G. di 58 aña naci na Colombia y L.S.C. di 37 aña naci na Venezuela.

Durante e entrada hudicial a confisca marihuana, cocaina y un suma di casi 5000 florin. Diferente teamnan special manera: K9-unit, departamento tecnico di Cuerpo Policial y otro teamnan tambe a participa na e entrada hudicial aki.

Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn: 11141. Nos ta garantisa cu bo ta keda anonimo”.