Home » Aruba Bank cu informacion tocante solucion digital pa comunidad di 60+

Aruba Bank cu informacion tocante solucion digital pa comunidad di 60+

by Admin
0 comment 75 views

ORANJESTAD, Aruba: Aruba Bank a uni na Fundacion Movemento ta Bida y Setar pa den e projecto “Hunto grandi, grandi hunto” dedica specialmente na nos 60+.

E meta di e projecto ta pa informa y educa e comunidad 60+ arriba diferente tema importante cu tin di haber cu servicionan bancario y e solucionnan cu innovacion ta ofrece awendia pa tur cliente di banco. Cu e pandemia mundial, ta bira mas importante cu nunca pa tur cliente, tin acceso na nan cuentanan bancario for di na unda cu nan ta y ki ora cu ta, na un manera facil y sigur.

E charla ofreci pa Aruba Bank diamars mainta, a enfoca ariba kico tur ta encera online banking, y con e grupo di 60+ por haci uzo di dje. A splika cu Aruba Bank ta ofrece asistencia personalisa na tur sucursal pa e comunidad di 60+ na e Digital Lounges di banco. A splica tur esnan presente tambe con pa proteha nan cuenta bancario di Aruba Bank. E sesion informativo tawata uno hopi interactivo entre expertonan y e publico.

Representantenan di Aruba Bank tabata presente despues di e charla pa por a duna asistencia na cada miembro cu tabata desea di ricibi mas informacion ariba e topico nan menciona of cualkier otro topico.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio