Home » Actuacion rapido di algun mirones a yuda salba bida di motociclista herida den accidente di trafico diamars mainta

Actuacion rapido di algun mirones a yuda salba bida di motociclista herida den accidente di trafico diamars mainta

by Admin
0 comment 92 views

Oranjestad – Diamars den oranan trempan di mainta polis y ambulance a haya informacion di un accidente serio entre brommer cu auto.
Esaki a sosode altura di Hooiberg Store.

Na yegada di polis ya ambulance tawata na e sitio tratando e motociclista herida y su yiu.

E accidente a sosode momento cu un tata tawata transportando su yiu ariba brommer. Den un trafico druk di mainta e lo tawata pasando e fila di auto.

Un poco mas dilanti un auto a stop pa duna un auto panort di caminda chance pa subi caminda pa bay direccion pariba.

Aki ta unda e tata lo no a pone atencion y a dal contra e auto heridando su mes seriamente, mientras su yiu a kima su pia na e muffler cayente.

Durante e accidente e motociclista a corta un ader mayor parti paden di su pia y a cuminsa sangra profusamente.
Na yegada di Paramediconan e homber tawata den un situacion hopi serio, debi cu e la perde masha hopi sanger mes.

Loke a scapa bida di e homber tawata actuacion rapido di algun mirones, nan a actua mesora door di a mara of pone presion ariba e herida serio cu e motociclista a ricibi. Di e manera ey minimalisa e sagramento.

Arubanative.com ta manda un palabra di elogio na e persona/nan cu drenta den accion mesora pa minimalisa e perdemento di sanger te ora cu Paramediconan a yega y tuma over, scapando bida di e motociclista.

Tur esnan herida a wordo transporta pa Hospital.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio