Home » Personal di DIMAS a completa Trayecto di Capacitacion Profesional.

Personal di DIMAS a completa Trayecto di Capacitacion Profesional.

by Admin
0 comment 65 views

 

Den cuadro di stimula capacitacion profesional, Staf di DIMAS, consistiendo di hefenan y directora cu  for di 15 januari te cu 12 di februari 2021 a participa na un trayecto di siña y desaroya, consistiendo  di diferente workshop cu colaboracion di Departamento pa Asunto Social. Riba diahuebs 25 di februari  2021 pa conclui e trayecto a haci entrega di certificadonan na participantenan cu a completa e  trayecto. Esaki tawata den presencia di directora di DIMAS sra. Kathy Ruiz-Paskel. 

Durante e trayecto a trata temanan di importancia pa desaroyo personal y profesional cu e meta pa  stimula coherencia, miho comunicacion y colaboracion den setting di trabao. Den un forma colectivo  y interactivo durante 4 sesion a traha pa amplia conocemento, habilidad y cualidad pa cu siguiente  temanan; 

  • Conocemento propio. Conoce bo mes mas miho, comportacion, cualidadnan y  habilidadnan y Reconoce bo puntonan fuerte como hefe y esunnan cu mester mehora.  • Liderazgo Situacional. Haya mas conocemento den bo estilo di lidera  • Accountability. Conscientisa participantenan ariba nan responsabilidad como trahado y  carga esaki. Y nan capacidad propio pa dirigi.  
  • Empowerment. Door di pone nan conocemento y nan experticio central nan por  empodera y mobilisa nan trahadonan pa participa activamente den e proceso laboral y  duna nan espacio pa haci nan mes un escogencia.  

DAS colaborando cu experticio profesional 

Sra. Madeline Doulabi-Ridderstap profesional specialisa den guia profesionalnan tanto individual, den  team y organisacion completo a facilita e trayectonan di siña. 

E trayectonan ta enfoca riba siña colectivo, siña colabora, siña construi, cu compasion y confiansa pa  hunto duna lo miho di cada un den setting di trabao pa asina tambe brinda servicio di calidad. 

Participantenan tawata hopi satisfecho cu e trayecto y alabes motiva pa pone den practica locual  nan a siña. Y a expresa aprecio y gratitud pa e oportunidad brinda pa asisti na e trayecto.  

 

Un gradicimento special ta bay na Dienst Technische Inspectie (DTI) pa cu nan colaboracion pa haci  uzo di nan espacio di reuni, pa duna e trayecto.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio