Home Politics Minister Xiomara Maduro ta informa: Serie di Programa di television ‘Aruba...

Minister Xiomara Maduro ta informa: Serie di Programa di television ‘Aruba Fuerte y Resiliente – Reactivando nos Economia cu topico interesante tocante Agricultura

SHARE

 

 

Oranjestad – Minister Xiomara Maduro ta informa cu e Serie di Programa ‘Aruba Fuerte y Resiliente’ – Reactivando nos Economia, ta continua e siman aki cu otro topico interesante tocante Agricultura.

E sector di Agricultura ta un di e seis sectornan prometedor di e Maneho Economico Aruba Fuerte y Resiliente 2019-2022, pa diversifica nos economia. E mercado di agricultor tabata creciendo pero e pandemia a brinda  oportunidadnan nobo y agricultura a bira mas popular. Nos hendenan a mustra mas interes pa planta nan mes alimento.

Durante e programa lo haya un bista kico tur Gobierno ta haciendo pa stimula e sector di Agricultura. E invitadonan di e siman aki ta sra. Judella Trim, Funcionario di Maneho di IDEA, un unidad na Departamento di Asuntonan Economico, Comercio y Industria. Sra. Angeline Giel, director interino di Departamento di Impuesto y sr. Roderick Croes, hefe di departamento di Aduana. 

 

E programa di Agricultura ta consisti di dos parti. E prome parti lo pasa diaranson awor dia 3 di maart pa 7’or di anochi na TeleAruba y pagina di Facebook di Gabinete Wever-Croes.