Home Local Vacunacion di 60+ ta canando bon. Entrante dialuna club Den Bosco na...

Vacunacion di 60+ ta canando bon. Entrante dialuna club Den Bosco na Noord ta operacional.

SHARE

ORANJESTAD, Aruba –27 februari 2021: Segun e plan Nacional di vacunacion contra COVID-19, na e momento aki ta infocando riba vacunacion di esnan mas na risico di COVID-19 cu ta nos adulto mayor riba 60 aña. Di e grupo aki tin un total di 23000 persona riba 60 aña. Pa por yega entre 75%-85% vacunacion di e grupo aki mester vacuna entre 17.250- 19.550 persona di esnan 60+. Gobierno a anuncia cu lo tin 4 localidad cu lo wordo usa pa duna vacuna.
Entre e dos localidadnan cu actualmente ta funccionando como localidad pa vacuna cu ta Centro Deportivo Libertador Betico Croes y Santa Teresita Center na San Nicolas ta vacunando 1000 persona pa dia sin mucho contra tempo. Por scucha hopi bon comentario for di diferente cuidadano riba e proseso, con rapido, facil y placentero esaki tawata pa nan.

Actualmente a vacuna caba 3787 adulto di 60+ na e dos localidadnan existente y entrante dialuna lo cuminsa laga e localidad na Noord cu ta club Den Bosco tambe cuminsa opera riba Dialuna y Diamars. Club Den Bosco lo bay ta entercambiando operacion cu Santa Teresita na San Nicolas. Riba dialuna y diamars cu club Den Bosco ta operando, Santa Teresita lo ta sera y riba diaranson y diahuebs cu Santa Teresita ta operando club Den Bosco lo ta sera. Na tur e localidadnan di vacuna tin rampa pa uzo di rolstoel y tambe tin extra rolstoel pa duna servicio na es cu mester.

Ta haci un suplica grandi na comunidad, pa na momento cu un adulto di 60+ mester bin vacuna y mester un acompañante, pa laga esaki ta unicamente uno(1). No tin mucho espacio pa acompañante sinta warda y esaki por bira aglomeracion. Tambe nos ta haci un suplica pa bin na e orario cu bo tin bo cita, no bin prome cu esaki. Cada 30 minuut ta schadule un cantidad di persona. Si bo yega prome cu bo orario, bo tin pa bay keda warda esnan cu tin cita prome y esaki por dura bo mas cu ta nesesario. P’esey yega serca nos na e orario stipula. Si bo ta poco trempan, keda sinta den auto tambe ta yuda pa no mester keda para den rij.

Entrante dialuna 1di maart lo introduci cambio den orario di vacunacion na e diferente localidadnan. E orario nobo lo ta di di dialuna pa diasabra for di 8:30-11:30 y 2:30 -5:30 diadomingo lo ta un dia liber pa tur nos empleadonan por descansa.