Piedra Plat – Diadomingo atardi algo prome cu 6’or informacion a drenta di un accidente altura unda antes tawata John’s Pizza.
Un unidad di trafico cu no tawata mucho leu mesora a cuminsa bay direccion Piedra Plat.
Na yegada e ta topa ariba e t-kruising un Kia Rio y un Kia Picanto, ambos chauffeur ainda sinta den nan auto.
Por a mira claramente cu falta di preferencia a hunga un rol, e Kia Picanto e impacto tawata den e banda robes. Debi na e impacto fuerte chauffeur di e Picanto a resulta herida y mester a pidi ambulance.
Na yegada di ambulance, Paramediconan a bay controla ambos chauffeur y a opta pa trata esun di e Kia Picanto prome.
Un otro ambulance a presenta unda cu e Paramediconan a controla chauffeur di e Kia Rio tambe.
Den algun minuut Paramediconan a saca chauffeur di e Picanto via porta di pasahero y pone ariba brancard pa despues sigui trate.
