Siman a cera cu un logro grandi pa Partido Movimiento Electoral di Pueblo MEP. Diabierna e fundacion ‘Formacion Politico Nelson Orlando Oduber’ a wordo funda y concretisa cu firmamento na notario.
Lider honorario di Partido MEP, Señor Nel Oduber ta fundador di e fundacion. Miembronan di Directiva di Fundacion Formacion Politico Nelson Orlando Oduber ta Parlamentario Edgard Vrolijk, Parlamentario Hendrik Tevreden y Lider di MEP, Señora Evelyn Wever-Croes.
Fundacion Formacion Politico Nelson Orlando Oduber lo tin varios funcion y principalmente lo ta encarga cu charlanan pa publico en general riba nos constitucion, social democracia, Trias Politica, integridad entre otro.
Tambe e fundacion lo ta encarga cu cursonan pa prepara candidatonan.
Partido MEP ta gradici directiva especialmente candidato riba lista di MEP, señor Edgard Vrolijk cu a trek e iniciativa aki.
Pronto directiva lo anuncia e plannan di ehecucion y preparacion di loke ta bay tin riba agenda den e cuadro di informa y prepara ciudadano y candidatonan.
