Home Police Chauffeur a bandona sitio despues di a bolter ariba ex Sasaki

Chauffeur a bandona sitio despues di a bolter ariba ex Sasaki

SHARE

Avenida Nelson O.Oduber  – Diabierna algo prome cu mey anochi polis a wordo avisa cu un auto a bolter a poco panort di e rotonde di Super Food. 

Polis mesora a sali direccion ex Sasaki. Na yegada polis a bin topa cu e auto gebolter, cual tawata un Chevrolet Aveo.

E chauffeur no tawata mas na e sitio.

Algun minuut despues un brommer a yega y a conta polis cu e auto aki a dal su tras y despues bay bolter.

Polisnan por a mira daño na e brommer.

E la sigui conta cu e auto aki tawata bayendo zuid, y a perde control bolter pa termina ariba e otro banda.

TRS a presenta y agentenan na e sitio a tuma dato di e accidente.