Home » Borchi gigante a cay ariba empleada di Pastechi House

Borchi gigante a cay ariba empleada di Pastechi House

by Admin
0 comment 79 views

Caya G.F.Betico Croes  – Diasabra merdia panico a reina bou esnan cu tawata canando den Caya Betico Croes, momento cu un borchi hopi grandi a cay ariba un dama.

Polis cu tawata cerca a yega mesora pa mira kiko a pasa.

Na prome instante a pensa cu e establecimiento di Pastechi House lo a basha aden, pero esey no tawata e caso.

Un empleada di dicho establecimiento lo a sali pafo pa yuda cliente y pa su mala suerte net e borchi a ranca di e muraya y cay ariba dje.

Mesora algun homber a drenta den accion pa lanta e borchi gigante y pisa.

Na e sitio por a compronde cu algo a zona prome y despues e poster gigante ariba plywood a bin abou.

Suerte di e señora ta cu e no a cay ariba su cabes.

Mientrastanto ambulance y brandweer tawata drentando Caya G.F.Betico Croes for di pabou, pero bomberonan ya no mester a drenta den accion.

Paramediconan si a bay trata cu e dama y tawata haci’e algun pregunta unda cu despues nan a yude lanta y pone ariba brancard pa despues subi ambulance.

DTI y slachtofferhulp a wordo poni na altura unda cu dti mester a bay den caya y slachtofferhulp Hospital.

Mester remarca cu den caya grandi tin hopi negoshi cu a cera y tin sorto di borchinan aki cu a keda pega y debi na falta di mantencion por kibra y cay cualkier momento.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio