67
Willemstad, Korsou: Djamars 23 di febrüari 2021, den oranan di mèrdia personal di Warda di Polis di Barber konhuntamente ku personal di Warda di Polis di Montagne i di Departamentu di Tráfiko, a tene entrada hudisial na un adrès na Flip.
E entrada hudisial akí, ta relashoná ku violashon di e lei di opio.
Durante investigashon polis a haña un plantashon grandi di mariwana i a konfiská un total di 1598 planchi di mariwana. Tambe a konfiská dos (2) vehíkulo.
Na e sitio e agentenan a detené dos (2) hòmber sospechoso.
Ta trata di:
– O.F.E di 58 aña di edat i
– T.F.T. di 48 aña di edat, ámbos nasé na Kòrsou.
A presentá e duo dilanti un fiskal ouksiliar ku a ordená nan enkarselamentu pendiente di mas investigashon.