Brazil – Aunke e por zona straño pero un wega di Call Of Duty entre dos persona a caba na morto.
Ingrid ‘Sol’ Oliveira Bueno da Silva a wordo haya dialuna ultimo sin bida den cas di Guilherme ‘Flashlight’ Alves Costa.
E homber aki a confesa di a mata e dama di 19 aña.
E curpa di e victima tawata tin un cantidad di hinca na su curpa. Alves a wordo deteni algun rato despues di e descubrimiento y a admiti di a mata e Ingrid(19).
Tin un video di Alves unda por mira cu e no ta un persona cu ta sufri di un enfermedad mental y a bisa tambe cu e tawata kier a mata e dama di 19 aña.
Segun su mesun palabranan, e la planea e asesinato algun siman prome.
Segun diferente informacion Alves te hasta a filma momento cu e la mata Ingrid ‘Sol’ Oliveira Bueno da Silva, y tambe di a pone den un WhatsApp Groupchat.