129
Palm Beach: Diasabra algo prome cu 6’or di atardi, presencia di polis a wordo pidi riba Sasaki Weg un poco pariba di ex House of Cheng pa un UTV cu a bolter.
Na yegada di patruya di Noord nan ta bin topa enberdad memey di caminda cu un UTV di Xtreme Island Tour cu a bolter, na e sitio nan a nota cu tabata tin dos UTV y un dama tabata presente.
Polis a tuma tur datos di e dama y ta wordo sospecha cu e persona cu a bolter cu e UTV, lo a bandona e sitio mesora despues di e accidente y e dama aki a yega na e sitio net prome cu polis a yega pa regla esaki.
E doño di e compania di e UTV a yega na e sitio y despues di a bolter e Utv bek riba su 4 wielnan, a hibe UTV na nan cas cu ta keda basta cerca di caminda cu nan a bolter cu ne.