Home » Motor di avion a explota y pega candela algun minuut despues di a lanta vuelo

Motor di avion a explota y pega candela algun minuut despues di a lanta vuelo

by Admin
0 comment 98 views

Denver diasabra merdia – Un avion di United Airlines flight 328 su motor banda drechi a explota y pega candela, esaki a sosode momento cu e la lanta vuelo direccion Honolulu Hawaii. Asina FAA( Federal Aviation Administration) a bisa.

Esaki a sosode segun un pasahero momento cu e Capitan tawata anunciando algo, a scucha un zonido fuerte y e avion a cuminsa sacudi violentamente y tambe perde haltura.
David Delucia a sigui conta cu e y su casa mesora a pasa man pa nan cartera conteniendo nan I.D pa ora of si e avion cay nan por identifica nan.

“Nos a mira e avion pasa ariba nos cas, y despues a scucha un explosion y ora nos a mira ariba tawata tin huma preto den shelo” asina Kieran Cain a bisa.

Despues partinan di e avion a cuminsa cay di halto. Prome tawata parse mescos nan tawata zweef, pero despues por a mira heronan grandi gespart rond.

No ta mucho cla kiko a causa cu e motor a pega candela. Motornan di avion masha poco sa pega candela, pero e por pasa door di partinan rotativo, manera e blitnan di e turbina, cu por kibra y bora e capa di e motor.

E Boeing 777, cu abordo 231 pasahero y 10 cabin crew a bira bek y baha sin ningun problema, no tawata tin heridos.

E avion ta un boeing 777-200 construi 26 aña pasa.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio