Home Police Despues di a duna motociclista stopteken, e ta accidenta y keda seriamente...

Despues di a duna motociclista stopteken, e ta accidenta y keda seriamente herida

SHARE

Morgenster – Diasabra anochi den careda di 8:20 polis ta pidi ambulance cu urgencia net dilanti Exito Supermarket, unda cu un motociclista a accidenta drentando e mondi na su banda drechi.

Informacion compila na e sitio ta papia cu e unidad motorisa a duna e motociclista un stopteken den area di Wayaca, pero esaki lo no a sigui ordo di autoridad.

Un rato despues

E parti aki ta poco onduidelijk, paso segun polis o sea e agente/nan motorisa lo a bin haya e brommer pega contra un palo di kwihi y e motociclista herida benta banda di dje. Otro informacion ricibi ta bisa cu e brommernan di polis tawata su tras for di ariba Watty Vos Boulevard.

Probablemente hendenan lo a mira kiko a pasa y bisa polisnan cu lo a sigui busca e brommer.

Manera nos a bisa anteriormente mesora a pidi ambulance pa e motociclista cu tawata seriamente herida. Prome ambulance a yega y despues di un rato a yega un segundo ambulance unda cu Paramediconan a baha pura y subi den e ambulance cu e victima aden.

Na e sitio por a scucha e motociclista sclamando dolor di lomba,  bisando e Paramediconan esey pues e tawata na tino pero seriamente herida.

Mesora a pidi specialista di trafico, slachtofferhulp, y tamve BFTO (departamento tecnico).

Unda e accidente a sosode a pone lint pa despues cuminsa investigacion, unda cu den careda di 10’or takelwagen a presenta pa bay cu e brommer sin marca.