Avenida Nelson O.Oduber – Diasabra anochi pa mas o menos 11:20 un caso di hit & run a sosode na e salida si ex House of Cheng.
E incidente tawata entre un Kia Sportage(causante) y e otro auto tawata un Kia Rio.
Mesora esnan den e Kia Rio a sigui e Sportage cu a bay para ariba e parkeerplaats di Bowling.
Un patruya cu tawata na Citgo Sasaki mesora a bay atende cu e Kia Sportage color cora cu tawata kier a bandona e sitio, pero e patruya a impedi esaki.
Na stuur di e Sportage tawata un dama cu momento e la wordo pidi pa baha di e auto e no por a para ariba su pia, mas cu claro e tawata bastante bebi.
Polis di trafico a wordo notifica y a presenta na e sitio pa tuma e caso.
Na e sitio e dama a wordo aresta y cu transportwagen a wordo hiba warda di Shaba.
