Home International E conocido Capo di maffia Italiano “O professore” a fayece, despues di...

E conocido Capo di maffia Italiano “O professore” a fayece, despues di un total di 57 aña tras di tralie

SHARE

Parma, Italia:

Parma, Italia: Capo di maffia Napolitano, Raffaele Cutolo (79) a fayece diaranson ultimo den un prison di maximo siguridad na Parma.
Raffaele Cutolo tabata preso pa entre otro, varios likidacion y pa maneha un organizacion criminal.

Autoridad Italiano a pone Cutolo responsabel pa un guerra cruel entre diferente e clannan di mafia den añanan 70 y 80.

E hefe di maffia aki a pasa un gran parti di su bida tras di tralie, un total di 57 aña. Cutolo tabata conoci como “O professore’

Prome biaha cu e la bay cera tabata na 1963, durante un pelea pa scapa honor di su ruman muhe, e la asesina un persona  y a haya levenslang.

Den prison Cutolo a crea hopi respet y te hasta a traha un organizacion criminal cu e tabata maneha for di prison.  Na dado momento Cutolo tabata asina poderoso cu e otro clannan mafioso mester a page y su organizacion belasting.

E tabata tin un pareha y cu ne e la haya dos yiu, pero na 1991 e la wordo asesina.

Na 1981 na momento cu un politico a wordo secuestra, autoridad a bay cerca dje pa yudanan, a cambio di ayudo ela haci algun deal pa haya contractnan di construccion exclusivo y menos operationnan policial contra cierto gang di maffia.

Na 2007 e la bolbe casa den prison cu Immacolata Iacone, na 2007 e la bolbe haya un yiu muhe via inseminacion artificial.

Nunca e la demostra di a arepenti y hamas a colabora cu huesnan y asina a bay su graf cu hopi secreto.  Cutolo tabata cera den un prison di maximo seguridad caminda ta reserva pa mafioso, tambe nunca a stop di duna ordo for di prison. For di prison e tabata goberna e detenidonan y su secuasenan pafo di prison. Esaki ta un poder cu e la mantene den prison henter su bida tras di tralie.

Cutolo tabata e preso mas bieu bou di 41 bis, pero Husticia italiano a nenga di suavisa su castigo, maske su edad tabata halto, e ta wordo considera cu ainda e tin un influencia grandi den crimen organisa.

Como dies aña pasa Cutolo a opta pa renuncia tur forma di bida social, ya e no tabata bay cana den aire liber e no tabata interact cu otro preso, ni cu trahadornan of boluntarionan di prison. Solamente un biaha pa luna e tabata papia cu su señora y su yiu muhe. Durante e ultimo dies aña e la bay hopi atras y a bira hopi mas bieu y tambe a sufri di varios enfermedad. Cutolo tabata bebe 15 pildo pa dia, ta cu na dado momento e no tabata reconose su propio famia.

For di 1979, e la keda sin interupcion cera den prison. Mas cu 4 decada tras di tralie, e ultimo 28 añanan bou di e regimen di alto seguridad special pa mafiosonan 41 bis. Raffaele Cutolo ta  Raffaele Cutolo, ta e hefe historico di e maffia napolitana. Raffaele a fayece diaranson ultimo di un enfermedad, na edad di 79 aña den e prison na  Parma caminda e tabata cumpliendo cu su castigo di cadena perpetua.