Oranjestad, – Hunto cu partner Mastercard, Aruba Bank ta haci donacion di $50.000 na e fundacion di Cruz Cora Aruba pa nan por sigui sostene nos comunidad durante e pandemia cu ta azotando henter mundo desde maart 2020.
Cada dia famianan ta encontra mas dificultad pa pone pan riba mesa y ta busca ayudo na diferente instancianan local manera Cruz Cora Aruba.
Desde e comienzo di e pandemia, Cruz Cora Aruba a yuda nos comunidad cu:
- mas di 82.000 cuminda cayente reparti,
- 8200 cas di famia recibiendo ayudo
- 20.500 persona ricibiendo e-vouchers
- 23.5 miyon florin uza den e programa di ayudo.
Na December 2020, Aruba Bank a anuncia nan iniciativa unda cu cada bez cu un cliente uza nan traheta di Mastercard sea Debito of Credito, Aruba Bank lo contribui cu 1 cent(US) pa cada transaccion haci.
Aruba Bank awe ta haci un donacion di $50.000 na Cruz Cora Aruba pa nan por sigui eherce nan bunita trabao pa yuda tur esnan den necesidad na e momentonan aki.
Representantenan di Aruba Bank, Gina Habibe y Roxanne Croes a bai na e edificio principal di Cruz Cora Aruba pa asina haci entrega di un check simbolico na e director y e voluntarionan.
