Green Corridor – Diaranson mainta den careda di 11’or polis a wordo notifica di un accidente serio net otro banda di Young Fellow.
Mesora varios patruya a sali pa e sitio. Na yegada nan a tuma nota cu ta ariba e banda cu ta bay pa Oranjestad.
Rotonde di Drive In a wordo cera pa asina tanto polis y ambulance por haci nan trabounan.
Na e sitio nan a topa cu un vangrail hopi daño material y patras di dje un auto hinka.
A resulta cu pa un of otro motibo e auto aki a kita na su man drechi y machika e vangrail y bay termina su tras cara pazuid.
Paramediconan na yegada a constata cu e persona tawata levemente herida, pero asina mes cu ayudo di polisnan a sake di e auto y pone ariba brancard.
Algun rato despues nan a sali cu ne direccion Hospital.
Siguridad
Ariba e imagennan por mira con vulnerabel e vangrail ta, debi cu un auto chikito a haci tur e daño aki, un 7 meter lo mester bay wordo reemplaza y lihe.
E auto(chikito) a dobla varios di e pianan di hero manera nada.
Analisis
Hopi hende ta usa e parti aki pa haci ehercio. Danki Dios no tawata tin ningun hende eynan e ora ey.
Pero si e ta algo pa ponebo pensa ora cu bo bay haci ehercio eynan pabo pone bon atencion ariba e trafico.
