Home Dutch Kingdom Seis luna di prison condicional: Sentencia a keda mescos pa agente policial...

Seis luna di prison condicional: Sentencia a keda mescos pa agente policial cu a choka Mitch Henriquez mata

SHARE

Den Haag – E sentencia di un di e polisnan cu tawata meti den aresto fatal di Mitch Henriquez a keda mescos. Asina Hoge Raad a duna di conoce awe diamars.
Tur e agentenan envolvi a haya un code. E polis DH01 cu ta esun responsabel pa e choke hold/ nekklem fatal di Mitch a haya na 2019 a wordo sentencia den Hoger Beroep na solamente 6 luna di prison condicional.
E agente no a keda contento y a bay den Cassatie contra e desicion.

Mitch Henriquez(42) a perde su bida despues cu e la wordo aresta na 2015 durante e Haagse muziekfestival.
Den un manera bruto e la wordo deteni, despues cu e la grita cu mi tin un arma unda cu despues e la mustra na su parti intimo.

Famia ta contento cu e desicion, paso na a pensa cu Corte lo kita e sentencia di 2019.
Loke famia si ta lamenta ta cu tur e agentenan envolvi a keda cu nan trabou.

Durante e caso den corte ningun di e agentenan tawata visibel, nan a wordo poni den cambernan apart y solamente nan stem cambia door di machine bo por a scucha.
Esaki ta debi cu nan y nan famia a wordo menasa cu morto.

Pero, tur esnan cu tawata envolvi durante e detencion e dia eynan a wordo graba door di un cantidad di hendenan cu tawata mira loke tawata pasando.

Famia di Mitch a purba na varios ocasion pa haya sa ken tur e polisnan ta, pero te cu awor no a logra.