Willemstad, Korsou:
Djaluna 15 di febrüari 2021, alrededor di 23.21 or, Sentral di Polis a risibí informashon ku den área di Jan H. Fergusonstraat, tin tres (3) hòmber sospechoso den un mondi skondí. Tambe a tende tiru di arma di kandela.
E unidat di U.S.T. ku urgensia a bai na e sitio pa investigá. Riba Witteweg a topa ku un hòmber un poko sospechoso. E agentenan a bai na hasi un kontròl riba dje. Durante di e kontròl akí, den un tas di skouder ku e sospechoso tabatin den su poder a bin haña un arma di kandela i a konfiská esaki.
Mesora a detené e sospechoso G.P.L. nasé na Kòrsou di 22 aña di edat, pa violashon di e lei di arma di kandela.
A present’é dilanti di un fiskal ouksiliar ku a ordená su enkarselamentu.
Investigashon den e kaso aki ta kontinuá.