Home Dutch Kingdom Corte na Den Haag a dicta cu e Toque de Queda na...

Corte na Den Haag a dicta cu e Toque de Queda na Hulanda, mester wordo kita inmediatamente

SHARE

Den Haag, Hulanda:
E avondklok (tdq) mester wordo lanta inmediatamente.

E avondklok a wordo institui a base di un Noodwet, esaki ta duna e gabinete hulandes e poder di por introduci reglanan den caso di un emergencia sin consulta cu Tweede y Eerste kamer.

Segun e voorzieningenrechter na Den Haag, no tin nada di haber cu un situacion di emergencia, compara manera durante un tragedia of desaster natural.

Cu e desicion aki, e avondklok mester wordo lanta por directo. Gobierno lo por apela pero e medida di avondklok lo wordo no por wordo prolonga. Segun e hues, e avondklok lo mester wordo kita mesora.

Un grupo di protesta yama Viruswaarheid a lanta un caso contra gobierno referente e avondklok. Despues cu Gobierno Hulandes a introduci e avondklok tabata tin varios incidente y disturbionan na diferente parti di e pais, pero despues di algun dia e situacion riba caya a calma y tabata completamente bou control.

Na un gran mayoria di pais na mundo, gobiernonan responsabel a introduci e medida di Toque de Queda, cada cu nan orarionan diferente, na Hulanda e tabata for di 9’or di anochi pa 4’or y mey di marduga.

Na Aruba Toque de Queda ta actualmente for di 12’or di anochi pa 5’or di mainta. E medida di Toque de Queda a keda demostra cu ta un di e medidanan mas efectivo den combati e Corona Virus.