Oranjestad – Diasabra atardi esnan cu tawata pasa ariba Watty Vos Boulevard altura di Royal Funeral por a mira un cantidad di truck para pafo.
Tawata trata di entiero di un persona hopi conoci pa nan y tambe stima.
Tur e trucknan tawata prepara pa compaña Pedrito manera e tawata wordo yama pa su ultimo luga di descanso.
Pedrito tawata propetario di Balala Tr & Services. Un persona cu semper tawata cla pa yuda esnan cu tin truck cu cualkier problema. Un persona cu amplio experiencia specialisa pa drecha trucknan.
Algo pasa di 4’or den un caravana di famia, conoci y amistad nan a subi Watty Vos Boulevard pa bay direccion santana di Paradera.
Su caha di morto a wordo poni na un manera apart ariba un di su trucknan y esey a capta nos atencion, hunto cu tur e trucknan cu tawata pita rumbo santana di Paradera.
