Home International Fiscal ta exigi 18 aña mas di castigo di prison contra Joran...

Fiscal ta exigi 18 aña mas di castigo di prison contra Joran van der Sloot

SHARE

Juliaca, Peru:

Fiscal ta exigi 18 aña mas di castigo di prison, contra Joran van der Sloot, e biaha aki ta tocante traficacion di droga.

Joran ta  preso na Peru, despues di a asesina Stephany Flores Ramírez, na 2010.

Segun medionan Peruano, Joran ta wordo considera como un e coordinado di contrabando di droga den e prison na Juliaca, caminda e ta sintando su castigo, Juliaca ta keda den e parti zuidoost di Peru.

Joran hunto cu su amiga Eva Pacohuanaco y algun complice, lo kier a trece di contrabando, 300 gram di cocaina y 140 gram di marihuana den e prison.

Joran su amiga Eva na Augustus a bishita Joran y a trece comestibles y 19 bleki rooi biet pa Joran. Durante control a sal na cla cu tabata tin droga hinca den e berduranan aki.

Eva Pacohuanaco a declara cu e no tabata sa di e droga cu tabata tin den e blekinan di rooibiet, pero e fiscalnan den e caso aki tambe a exigi 18 aña contra Eva pa trafica e droga.

Tambe castigo di prison a wordo exigi pa tres otro persona cu ta cera hunto cu Joran y e ruman di Eva fiscal a exigi 14 aña di castigo di prison pa su rol den e caso di contrabando di droga aki.

Joran ta sintando un castigo di prison di 28 aña pa e asesinato di Stephany Flores na 2010 y na 2012 ela keda condena pa corte na Lima, Peru.  Joran van der Sloot na 2005 tabata e sospechoso  pa su envolvimento den e caso di e desaparicion di Natalee Holloway na Aruba.