Home Police Dos Seadoo a frontal contra otro y un dama a keda herida

Dos Seadoo a frontal contra otro y un dama a keda herida

SHARE

Eagle Beach: Diasabra den careda di 1’or di merdia, presencia di polis a wordo pidi cu urgencia na Eagle Beach, pa un accidente riba lama cu dos seadoo, den cual un dama a keda herida.

Strand politie a yega hopi lihe na e sitio y enberdad a bin topa cu un dama cu su pia drechi, na e parti riba su rudia tabata hincha y muy probablemente e lo por a fractura esaki. Mesora nan a pidi pa presencia di ambulance

Na e sitio nan a bin compronde cu un pareha tabata coriendo riba seadoo y lo a dal frontal contra otro. E compania di Watersport mesora a sali pa yudanan. E personal di e compania di watersport a trecenan tera y a carga e dama riba un beach chair y a pone bou di un mata, mientras nan tabata warda riba ambulance.

E personal di ambulance na yegada mesora a prepara e dama y a transporte pa hospital. Maritiem politie tambe a presenta na e sitio pa tuma tur datos di accidente aki.