Oranjestad – Diaranson den oranan di mainta trempan polis y ambulance a cuminsa un dia druk.
Na Sero Blanco algo prome cu 6:30 a.m un brommer a dal un peaton, durante cu e la bay crusa caya.
Ambos a resulta herida.
Algun minuut despues ariba Green Corridor un dama lo a perde control y a baha caminda. Na ambos accidente ambulance tawata rekeri.
E accidente mas serio tawata panort di ex hotel Roys na Savaneta.
Polis di San Nicolas a wordo notifica di un accidente cu hende herida ariba e caminda di Savaneta cu ta bay pa Sero Alejandro, ariba un T – Kruising.
Na yegada di polis di trafico e ta topa Paramediconan bezig cu CPR ariba un persona, esaki mesora tawata un indicacion cu ta tratando di un accidente serio.
Mesora a bay over na cera cierto camindanan y tambe pidi presencia di departamento tecnico.
E accidente tawata entre un Hyundai Tucson y un Hyundai Accent.
Posiblemente falta di no duna preferencia tawata e causa di e accidente.
Despues di algun minuut ambulance a cuminsa sali bay direccion Hospital cu e persona den un estado ctitico.
Polis a yuda cu ceramento un rato di algun caya y rotonde, pa asina ambulance por a yega lihe Hospital.
Na e sitio di accidente polis di trafico y tambe departamento tecnico a keda haci investigacion.
