Na desèmber 2020 Dutch Caribbean Nature Alliance (DCNA), pa medio di e kompanianan ku nan a kontratá, Nature2 i Coastal Zone Management, a finalisá e Proyekto di Efektividat di Maneho pa tur e Organisashonnan di Maneho di Áreanan Protehá na Hulanda Karibense. E proyekto, ku a start di nobo despues di un paro ku un hiato di dos aña, ta fiha e efektividat di akshonnan di maneho ku Organisashonnan di Maneho di Áreanan Protehá na Hulanda Karibense ta implementá.
Un komponente importante di maneho di adaptashon i di rekoudashon di fondo ta e abilidat pa demostrá éksito i progreso. Pa e motibu akí, DCNA a desaroyá kolekshon di dato detayá i sistema di análisis, basá riba e ‘kuadro di maneho ku efektividat’ di e Union Internashonal di Konservashon di Naturalesa “International Union for the Conservation of Nature (IUCN)”. E sistema akí no solamente ta indiká e datonan básiko pero tambe ta aktua komo un hèrmènt pa analisá e éksito di konservashon, progreso di e institushon i efektividat di maneho na kada un di e sitionan di e áreanan protehá. Ora ku e proyekto kontinuá, serie di dato balioso ta presentá kada aña na momentu ku ta yena dato nobo riba e formulario pa kolektá dato. E ora ei e serie di informashon ta reflehá e kambionan den e prioridatnan di e maneho di e organisashonnan di maneho di parke ora ku ta ehekutá e distribushon di tempu entre maneho di tantu e tareanan prinsipal komo e énfasis na diferente proyekto i investigashon.
E abilidat di e organisashonnan di naturalesa pa atendé ku e preshonnan ku nan ta konfrontá ta dependé di nan kapasidat di maneho. Éksito di e maneho ta marka e liñanan general di e konteksto den kua e maneho ta tuma lugá, e elementonan di e kapasidatnan di maneho di e organisashonnan i e aktividatnan di maneho ku ta ehekutá.
E informashon ku e dokumento ta kontené, partidonan interesá por usa pa lanta konsiensia tokante aktividatnan di maneho ku ta tuma lugá denter di DCNA i di e nifikashon lokal, regional i internashonal di áreanan protehá. Organisashonnan di Maneho di Áreanan Protehá tambe ta hasi uso di e rapòrtnan pa forma un parti di nan relatonan tékniko. E meta finalmente ta pa esaki bira un ehersisio anual.