Impex orguyosamente y cu tremendo admirashon pa nos artistanan joven ta participa: ganadornan di nos concurso di pintamento “Himno y Bandera”.
E 4 ganadornan ta:
Siobhan Rumnit (Colegio Santa Filomena)
Ajoni Illidge (Paso pa Futuro)
Victoria Candelario (Prinses Amalia Basisschool)
Isabella Santiago (Faith Revival)
E muchanan aki y nan maestra ta bay hanja un giftcertificate di Impex y nan pintura ta bay wordo imprimi riba Tshirts pa dia di Himno y Bandera. Ora nan wak hopi hende na Aruba cana rond cu nan pintura riba Tshirt di Himno y Bandera sin duda lo boost up nan autoestima y tambe nan interes pa nos cultura y pa sigui desaroya nan abilidad pa pintura/arte y asina Aruba por tin un futuro cu mas artistanan local.
Tambe nos a hasi un tussenselectie di e 12 miho pinturanan y e 12 muchanan aki lo hanja un workshop gratis for di e artista pintora Ana Luidens na Cosecha y tambe lo recibi un bunita regalo.
Nos ta organisando un exposicion pa e 12 artistanan joven aki pa pueblo por pasa y admira nan pintura. Nos a aserca varios instancia manera Bibilioteca Nacional, Camara di Comercio, Centrale Bank y banconan commercial pa cu esaki. Pues nos ta en espera di nan feedback y nos ta spera cu nan kier participa y ofrese nan sala pa e exposicion aki.
Nos ta spera cu boso ta apoya nos idea/concurso y cu boso por anuncia e resultado di e concurso aki den boso programa y asina yuda “boost up” e animo, autoestima y interes di nos muchanan pa cu cultura y arte.
