Turista di 68 aña a bira malo na Boca Catalina, despues di a come y a drenta lama

Boca Catalina: Diasabra den careda di 12’or y 45 di merdia presencia di polis di Noord y Strand a wordo manda cu urgencia direccion di Boca Catalina pa un persona cu lo a bira malo.

Na yegada nan a topa cu un turista masculino di 68 aña riba beach,  e homber a bira malo, mesora a pidi pa presencia di un ambulance. Polis a tuma tur e datosnan di e homber y un persona na e sitio a conta cu e homber a caba di come sopi y despues a bay drenta lama y a bira malo.

Ambulanca a yega na e sitio y despues di un control medico na e sitio, nan a dicidi di transport’e pa hospital pa un checkeo medico mas avansa.