Iglesia Ortodox na Rumania ta enfrenta cada biaha mas y mas pression pa cambia e ritualnan di bautismo. Esaki despues cu un baby a fayece durante e ceremonia di bautismo pa cual e baby su cabes a wordo hinka tres biaha tras di otro den awa bendita.
Suceava, Rumania: Dialuna ultimo un baby di apenas 6 siman a haya un paro cardiaco durante e ceremonia di bautismo den un misa Ortodox na e parti Noord Oost di Rumania.
E baby a wordo hiba cu hopi urgencia pa hospital, pero a fayece algun rato despues. Durante autopsia nan a bin topa cu likido den su pulmonnan.
Fiscal mesora a cuminsa cu un investigacion y tur cos ta dirigi cu e pastoor ta sospechoso di homicidio.
Mesora a sali un peticion online, bisando cu morto di un baby recien naci como consecuencia di e ritualnan di bautismo ta un tragedia enorme y nan ta pidi pa cambia e ritual di bautismo aki. Diahuebs anochi ya nan a colecta mas cu 56 mil firma
E riesgonan aki mester wordo exclui, pa asina por celebra e bendicion grandi di bautismo.