Purmerend, Hulanda: Recientemente polis na purmerend a logra pone man riba un homber cu tabata falta muhe nan respet den tiendanan den e centro di Purmerend, e sospechoso tabata falta muhenan respet, tabata molestianan y haci cierto actonan inmoral.
Varios melding a drenta na Polis di muhenan cu a wordo mishi y molestia pa un homber, esaki tabata sosode ora e muhenan tabata den e tiendanan, ora cu nan tabata pasa den gangnan smal di e tiendanan. Varios muhe a entrega keho di a wordo molestia, mishi contra nan boluntad pa un homber y tur e kehonan aki tabata e mesun modus operandi.
Zedenpolitie a logra pone man riba e sospechoso, ta trata di un homber di 27 aña, sin luga di biba. E sospechoso a keda deteni pa mas investigacion y diabierna e lo mester presenta dilanti Hues Comisario na Corte di Noord Holland, caminda lo tuma desicion si lo prolonga su detencion .
Zeden Politie ta sigui cu e investigacion y no ta descarta cu e homber aki lo por molestia of haci cierto actonan inmoral cu mas muhe na Purmerend. E possibel victimanan lo por reconoce esaki y lo por meld na Polis.