EAGLE BEACH, Aruba – Februari 4, 2021 – Den un aña dificil door di e pandemia, e team di Bucuti & Tara Beach Resort ta sumamente felis di ricibi tanto bon noticia. Medionan principal di noticia Mericano manera U.S. News & World Report y websitenan di biahe internacional manera Booking.com, Expedia y AAA a reconoce e resort situa na Eagle Beach cu nan premionan anual.
“Nos semper ta agradecido y felis ora nos ricibi un premio di U.S. News & World Report, Booking.com, Expedia y AAA, y specialmente e aña aki, nos ta agradecido na nos huespednan. Nan ta tumando nan tempo pa investiga locual ta haci cu nan ta mas selectivo den nan decisionnan di biahe y nos ta wak cu nan ta tuma nos protocolnan di wellness y contra COVID-19 na Bucuti & Tara Beach Resort hopi serio,” Ewald Biemans, doño y CEO di e resort ta conta. “E premionan aki ta un testamento na nos trahadornan cu ta traha duro tur dia y ta haci lo mas hopi posibel pa brinda un experiencia di biahe sigur, inolvidabel y di calidad halto.”
U.S. News & World Report
Medio di noticia Mericano, U.S. News & World Report, a desvela su clasificacionnan di e Mihor Hotels di 2021 ayera. Bucuti & Tara a ricibi un Gold Badge atrobe saliendo No. 1 Mihor Hotel na Aruba y den e Top 25 Resorts den Caribe.
Pa di 11 aña e ranking di Mihor Hotels a evalua mas cu 30,000 hotels di luho mundialmente. Redactornan di U.S. News & World Report ta uza un metodologia cu ta combina miles di data points y ta inclui un hotel su rating, opinion di expertonan y huespednan, premionan di publicacionnan di biahe distingui y cu ta uza metodonan imparcial pa calcula nan rankings. E honor di mas halto – e Gold Badge – a wordo premia na 10% di e hotelnan evalua, incluyendo Bucuti & Tara.
Booking.com – Traveller Review Award 2021: ta mustra cu higiena ta mas importante cu nunca E plataforma di reservacion Booking.com a honra Bucuti & Tara cu un Traveller Review Award 2021. Cu casi un score perfecto di 9.6, e ranking di e aña ki ta mustra cu locual biaheronan ta aprecia mas cu tur cos ta Bucuti su team, higiena y localisacion. Den averahe, ganadornan di e premio aki a score 17% mas den e categoria di higiena cu no-ganadornan, destacando cu higiena ta un parti importante di un huesped su experiencia, por hempel como e protocolnan contra COVID-19 na Bucuti & Tara.
“Como biahenan ta birando menos y mas tempo ta pasa prome cu un hende por bai riba vakantie atrobe, cada biahe ta significa mas awo cu e tawata antes y ta mas importante cu nunca pa nos celebra esnan cu a gana e Traveller Review Award e aña aki door di cu nan ta brindando mihor servicio cu nunca,” Arjan Dijk, SVP y Chief Marketing Officer di Booking.com ta conta.
Expedia
Expedia, un di e dos websitenan di biahe di mas grandi na mundo, a clasifica Bucuti & Tara como e No. 1 Resort na Aruba. Cu un score di 4.8 di 5 nan ta anota cu e resort pa adulto solamente ta “Excepcional”.
AAA Award of Excellence: Housekeeping
E resort Four Diamond tambe a wordo reconoci cu un 2020 AAA Inspector’s Best of Housekeeping Award, locual solamente ta wordo duna na hotels cu tin e scorenan di mas halto di higiena y limpieza.
Mientras higiena semper tawata un aspecto importante, e pandemia a hacie mas importante awo pa biaheronan. Esnan cu a keda na Bucuti & Tara durante e pandemia a continua di duna nan comentarionan positivo tocante e protocolnan di siguridad contra COVID-19 (cu ta inclui e uzo di ekiponan di limpieza hospitalario como UVC-lights, solucion di limpieza cu ta contene hidrogeno peroxido, HEPA-air cleaners, ionizers y mas) y di nan programa di wellness riba plataformanan como TripAdvisor, Expedia, Booking.com y AAA.
IMAGES
Click here to a gallery of professional resort images available for download.