Home Police Despues di comete destruccion na un cas esnan envolvi a bolter cu...

Despues di comete destruccion na un cas esnan envolvi a bolter cu nan Daihatsu Terios

SHARE

Macuarima – Diahuebs atardi ya pasa di 5:30 polis a wordo manda cu urgencia direccion di Macuarima e caminda di WEMA bay ariba, unda cu un Daihatsu Terios a bolter.

Esnan den e vehiculo lo a sali y cuminsa cana bay direccion pabou.

Aparentemente lo tawata trata di varios persona hoben.

Na e sitio polisnan a topa cu solamente un hobencito cu a resulta herida na su cabes durante cu e auto a bolter. Polis a pidi ambulance y a cuminsa tuma su datonan y haciendo pregunta di kiko a pasa.

Un incidente poco bruha unda cu despues of durante di un problena familiar na un cas e auto aki a sali cu velocidad halto y bolter.

Destruccion lo a wordo cometi na e adres di unda e auto aki lo a bay busca problema.

Doño di e vehiculo a wordo deteni, no ta conoci ken tawata na stuur di e Daihatsu.