Oranjestad 4 di Januari, 2021 – Crisis Team Covid-19 di Gobierno ta lamenta cu un informacion incorecto y incompleto tocante di e variante di Reino Uni na Aruba a keda publica sin verifica prome cu Crisis Team. Temanan sensitivo asina ta hopi importante pa verifica cu Crisis Team promer pa evita confucion.
E informe den e raportahe di RIVM cu a ser haci referencia na dje den e publicacion den Antilliaans Dagblad y Noticia Cla, ta un coreccion di un lote di test cu a wordo haci entre e testnan cu Aruba a manda Hulanda. Pero no ta un lote di test so a wordo manda pa haci prueba, ta varios lote di test di Aruba ta wordo manda Hulanda. Den un di e lotenan RIVM a hasi un coreccion despues, y a admiti un eror di RIVM, pero den demas lotenan tabata tin 4 caso mas di e variante di Reino Uni cu a keda identifica.
Pues di un total di 95 test manda Hulanda a haya te cu awor e resultado di 5 test cu a sali positivo pa e variante di Reino Uni.
Crisis Team di Gobierno a manda mas test pa asina haya mas tanto informacion posibel pa sa con e pandemia y e variante di Reino Uni y cualkier otro variante ta plamando den nos comunidad.
Ta pidi pa tur hende sigui aplica tur regla ya conoci y respeta e medidanan cu ta na vigor, pasobra por tin mas caso.