Home » Prome Minister Evelyn Wever-Croes: CORPORATE GOVERNANCE CODE TA UN PILAR DI INTEGRIDAD PA ENTIDADNAN DI GOBIERNO

Prome Minister Evelyn Wever-Croes: CORPORATE GOVERNANCE CODE TA UN PILAR DI INTEGRIDAD PA ENTIDADNAN DI GOBIERNO

by Admin
0 comment 44 views

 

 

E documento ‘Nul Meting Corporate Governance’ ta riba website di Prome Minister

 

“Integridad pa Gabinete Wever-Croes ta un aspecto sumamente importante y ta para central den tur e meta y plannan di gobernacion”, ta palabranan cu Prome Minister Evelyn Wever-Croes semper a enfatisa desde cu el a asumi liderasgo di nos pais. 

 

E Ministerio di Integridad ta cay bou Minister President Evelyn Wever-Croes y ta basa riba tres pilar; Bureau Integriteit, Integriteitskamer, y Corporate Governance Code. 

 

Gabinete Wever-Croes a institui Bureau Integriteit na 2018 y ta preparando pa asina por cuminsa cu e trabounan necesario riba e tereno di integridad. Pa loke ta trata e Integriteitskamer, e trabounan lo sigui e aña aki pa motibo cu tur cos a wordo para aña pasa door di e pandemia. Pa cu e tema di Corporate Governance Code, Gabinete Wever-Croes a bin ta hopi activo desde 2019. 

 

E Corporate Governance Code ta e codigo/reglanan cu ta regula e gobernacion den entidadnan di Gobierno, pues con e control y supervicion mester tuma luga riba companianan estatal. Minister President Evelyn Wever-Croes a institui un comision cu ta encarga pa traha riba lo necesario pa tin un bon codigo pa loke ta trata nos companianan estatal. 

 

Basa riba investigacionnan cu a ser haci di kico ta e posicion di corporate governance bou tur instancia semi-publico, e comision a prepara un “nul-meting” corporate governance. E comision aki a busca tur informacion necesario pa loke ta trata e leynan y reglanan y tambe e temanan di cumplimento door di e directornan y e miembronan di hunta di comisario di e companianan aki. Esakinan ta informacionnan clave pa yega na e normanan necesario cu nos companianan estatal y institutonan semi publico mester cumpli cu ne. Tambe a tene hopi entrevista cu esnan envolvi den esaki y e resultadonan a ser publica den un documento di “nul-meting” cu lo ser publica awor. 

 

Na Aruba tin varios punto cu no ta wordo cumpli segun e reglanan di corporate governance. Pero tambe hopi compania a tuma riba nan mes pa practica e reglanan di corporate governance manera mester ta apesar cu den gobernacionnan anterior no tawata tin mucho enfoke riba e tema aki. Por a nota cu durante gobernacion anterior “corporate governance” no tawata existi ya cu e gobernantenan tawata haci y deshaci den e companianan estatal. Gobierno anterior tawata pone e companianan aki paga gastonan di viahe di gobierno. 

 

Desde cu Gabinete Wever-Croes a sinta e reglanan pa cu corporate governance a bira un prioridad, asina dunando espacio na e companianan estatal pa carga nan mesun responsabilidad. Awor ta trahando pa mira unda y con por mehora e corporate governance code di companianan estatal. 

 

E documento cu yama Nul Meting Corporate Governance, lo ser publica riba e website di Prome Minister: pmo.arubagov.org. Den cuadro di transparencia, tur esnan cu ta interesa pa lesa esaki por bay riba e website aki y haña e documento. Importante pa notifica cu e “nul meting” no ta score mucho positivo riba tur punto pero pa Gabinete Wever-Croes ta importante pa cuminsa cu un base-line assessment pa asina mehora e corporate governance den e companianan estatal. 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio