Minister Xiomara Maduro ta informa: Door di demanda popular ta bai ripiti e programa tocante di e proyecto di SISSTEM di e Serie di Programa di television ‘Aruba Fuerte y Resiliente – Reactivando nos Economia.

Oranjestad – Minister Xiomara Maduro ta informa cu door di e tantisimo reaccion positivo riba e programa di proyecto SISSTEM, lo bay ripiti e programa aki diaranson 3 di februari pa 7’or di anochi na TeleAruba y riba pagina di facebook di Gabinete Wever-Croes.

Durante di e programa varios invitado local y internacional lo hiba palabra y lo elabora riba e proyecto di SISSTEM – Sustainable Island Solutions for Science, Technology, Engineering and Mathematics y su importancia pa e economia di Aruba.

E programa aki ta e di seis programa di e Serie di programa ‘Aruba Fuerte y Resiliente – Reactivando nos Economia’ cu ta brinda informacion tocante e trabounan pa reactiva economia di Pais Aruba.