HULANDA
Un persona di edad cu a wordo vacuna contra e Coronavirus a fayece algun rato despues.
Investigacion lo mester duna claridad di kiko exactamente e persona a fayece. Pero, segun e centro LAREB cu ta e centro cu ta monitor side effects ,, lo ta pa motibo di algo otro y no a vaccin”.
Segun Lareb ta door cu e personanan aki tin problemanan serio di salud lo a causa cu nan a fayece.
E vaccin cu e persona aki a haya ta di BioNtech/Pfizer.
Lareb ta encarga pa monitor tur side effects/bijwerking di e Corona vaccin.
Den mayoria caso e kehonan despues di ricibi e vacuna ta dolor di cabes y dolor di curpa.
Diesdos persona a haya un reaccion alergico y seis hende a haya un atake di Epilepsia.
Te cu awor no a haya ningun side effect cu no a ser constata prome.
RIVM den un declaracion a enfatisa cu e siguridad y salud di esnan vacuna ‘ta e prome prioridad’.
,, Na Hulanda un dokter ta determina si un persona, bieu of jong, ta apto pa wordo vacuna, y sigur cerca hendenan di edad cu tin un of mas problema di salud”.
,, Na Hulanda mas o menos dos mil hende di ariba 80 aña ta muri pa siman. Aki den lo tin hendenan cu recientemente a wordo vacuna tambe”.
Departamento Europeo di remedi a duna di conoce siman pasa den un update cu e Corona Vaccin di Pfizer/BioNTECH ta safe pa wordo usa, no a descubri ningun side effect nobo. Mientrastanto na Norwega varios persona di edad a fayece despues di e wordo vacuna, pero segun EMA( Europees Geneesmiddelenbureau) esaki no tawata door di e vacuna.
E personanan aki lo tawata tin problemanan serio di salud y algun di e personanan aki te hasta tin enfermedadnan terminal tempo cu nan a wordo vacuna.
Norwega su departamento di salubridad tampoco no a haya ningun link cu ta door di e vacuna e personanan aki a fayece, pero si ta keda adverti cu tin risico momento di vacuna e grupo aki, esta personanan di edad halto y cu un of mas problema di salud.
,, No ta imposibel cu algun di e personanan aki cu a ricibi e vacuna tawata asina vulnerabel y cu mester evalua si ta dunanan e vaccin si of no, debi cu nan ta asina malo”, asina directeur di e departamento di salubridad di Norwega Camila Stoltenberg a bisa.
EMA cu ta e departamento Europeo di remedi ta keda monitor despues cu un persona wordo vacuna e consecuencianan pa cu salud di e persona. Te cu awor no a presenta ningun side effect nobo.
Na Denemarken, Zweden y Ijsland tambe tin casonan cu a wordo raporta di personanan cu a muri despues di a wordo vacuna, pero akinan tampoco por a link esaki directamente cu e vaccin/vacuna.