Camacuri – Diadomingo anochi pasa di 10’or ora cu ya tur hende ta bayendo cas door cu TDQ ta cuminsa 11’or, informacion a drenta di un accidente serio na Camacuri.
E accidente a sosode exactamente unda cu den luna di november un auto a bolter y e chauffeur a perde su bida.
Na yegada di polis ya ambulance tambe tawata yegando y algun rato despues un di dos ambulance a yega.
Por a mira un brommer kibra ariba caminda y varios parti di e brommer( MFA 872) keda gespart rond.
Un poco mas pariba un Hyundai Santa Fe taxi, por a mira cu e brommer a dal tras di e auto cu un velocidad halto.
Dos persona a resulta herida y Paramediconan a sali cu ambos herido despues di un rato direccion Hospital.
No ta conoci e gravedad di esnan envolvi.
Slachtofferhulp a wordo poni na altura pa bay Hospital.
Polis di trafico a pidi pa takelwagen por bay cu e brommer pa mas investigacion.
Caminda manera semper den area aki a wordo cera den ambos direccion y a keda cera pa algun rato.
