Morgenster – Diadomingo merdia algo prome cu 1:30 polis y ambulance a wordo avisa cu auto a dal un mucha altura di un supermercado situa na Morgenster.
Mesora varios unida di polis a sali pa e sitio.
Na yegada nan a topa cu un hobencito, y danki Dios e no tawata algo serio.
Algun meter mas pabou ariba e caminda e auto cu a dal eun Chevrolet Aveo tawata para cu su hazard light cendi.
Na stuur di e auto tawata un señora cu a haci su esfuerso pa no dal e hoben durante cu e tawata crusa cu su bicicleta.
Segun e señora e hobencito lo tawata crusa e caminda “poco poco”. Por a mira cu e señora a lastra un brake largo, evitando di dal e mucha.
Durante e impacto e mucha a bay halto y cay. Ambulance a wordo pidi pa e sitio y na su yegada Paramediconan a opta pa hiba e mucha Hospital pa mas control medico.
