Home Dutch Kingdom Corsou: Medidanan di Covid-19 ta keda na vigor durante di pre elekshon

Corsou: Medidanan di Covid-19 ta keda na vigor durante di pre elekshon

SHARE

 

Polis ta anunsiá ku durante di e dianan 30 i 31 di yanüari 2021 di pre elekshon pa elekshon  pa Parlamento di Kòrsou, medidanan den kuadro di Covid-19 ta keda na vigor. 

Lo no permití tokamentu den serkania di lokalidatnan di sostenementu di lista ni tampoko  aglomerashon. 

Ta prohibí òptògt i formamentu di karavana ku vehíkulo riba kaminda públiko i lo aktua  determiná kontra di esnan ku di un òf otro forma ta stroba libertat di tráfiko òf ta pone  esaki den peliger. 

Lo sigui kontrolá violashon di e orario di toke de keda i kaminda ta nesesario lo aktua di  forma represivo. 

Pa buena marcha di e proseso demokrátiko aki, polis ta supliká tur siudadano pa tene nan  mes na e reglanan establesé i sigui òrdu duná dor di outoridat inmediatamente.