Home » Dos preso for di KIA sospecha di tin sintoma di Covid a wordo nenga pa drenta sala di Corte

Dos preso for di KIA sospecha di tin sintoma di Covid a wordo nenga pa drenta sala di Corte

by Admin
0 comment 102 views

ORANJESTAD – Awe mainta dos preso di e grupo di presonan relaciona cu e caso di 5000 kilo di cocaina riba e barco Aressa, a wordo nenga pa drenta sala di Corte.

ArubaNative por a compronde cu e luna aki, Corte di Husticia a dicidi cu ta cuminsa trece presonan for di KIA pa tratamento di nan caso penal. Tabatin diferente caso cu a keda trata caba.

Awe mainta 2 preso tabata mustra sintoma di Covid.

Hues a cuminsa trata e caso, caminda el a informa e abogadonan y Fiscal cu tin un problema. Tin 2 di e sospechosonan ta tosa formal. Tin protocol di seguridad pa cu Covid cu no por permiti hende cu tin sintoma drenta edificio di Corte. No tin confirmacion cu nan tin Covid pero no ta tuma riesgo tampoco, mirando e cantidad di personal cu ta traha den edificio di Corte. Hues a bisa cu el a duna instruccion pa manda e dos presonan bek KIA y mira si lo por haci video conference pa nan den KIA.

Parce cu e otro 3 presonan tambe tabatin contacto y e pregunta tabata si lo manda nan tambe KIA y haci tur e caso video conference. Abogado mr. Lejuez a bisa cu mihor tur e caso video conference. Fiscal a bisa Hues cu pa e tres presonan e no ta mira problema pasobra tin distancia social den sala di Corte y nan tin mascara bisti.

Hues a remarca cu no tin indicacion cu e dos presonan tin Covid y pesey lo trata e caso di e tres sospechoso den Corte y ora e otro dos yega KIA lo sigui cu nan caso tambe.

Despues di basta rato tabatin contacto cu KIA via video conference y e traductornan cu ta papia Servio den sala di Corte tabata papia cu nan.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio