Hulanda – Polis na Hulanda a haci un apelacion na mayornan di e muchanan cu a comete vandalismo y destruccion masal na tiendanan, durante e ultimo dianan.
Tur esaki tin di haci cu e Avondklok imponi door di Gobierno Hulandes.
Mayoria di esnan aresta ta muchanan menor di edad(14-15), y mayoria ta biba serca di e negoshinan of ta bin for di stad.
Ministerio Publico y Polis ta pidi mayornan pa wanta nan yiu na cas y tambe pa papia cu nan.
Heleen Rutgers ta Hoofdofficier van Justitie na Oost-Brabant: ” Ta nos responsabilidad pa no laga e cosnan aki pasa sin mas y unda cu ta pa persigui nan”. Ta responsabilidad di mayornan pa tin nan yiunan bou control.
Busca pa sa unda bo yiu/nan ta y papia cu nan.
Si bo yiu aunke cu e ta menor comete algo contra ley, e chance ta grandi cu e lo haya un strafkaart.
E consecuencianan di esey ta grandi, segun Hoofdofficier Heleen Rutgers.
Ariba imagennan di video por mira duidelijk cu ta trata di teenagers entre 14 cu 15 aña.
Polis, husticia y belastingdienst lo bay saca tur gasto di destruccion cometi for di hobennan.
FIOD lo bay cuminsa haci investigacion y pone beslag ariba propiedad di e hobennan aki.
Investigacion ta den full swing y tur e imagennan di e hobennan lo wordo pasa na television.