82
Emmastraat – Diamars anochi den careda di 10’or alarma grandi a wordo bati debi cu informacion a drenta cu e cushina di Kowloon restaurant ta na candela.
Den algun minuut polis a yega y brandweer su tras.
Mesora tanto polis y brandweer a baha pa mira kiko ta pasando.
Na yegada caba por a ripara cu no tawata mira huma y tampoco haya holor di candela.
Algun rato despues un bombera a pasa man pa un brandblusser y a bay paden, o sea na e banda nort di e restaurant.
A resulta cu tawata tin un kortsluiting.
E unidadnan a keda na e sitio te ora Elmar a yega, e boternan di gas a wordo cera pa siguridad.