Home Police Tres persona herida den accidente ariba crusada conoci Weststraat/ Prof.lorentzstraat

Tres persona herida den accidente ariba crusada conoci Weststraat/ Prof.lorentzstraat

SHARE

Prof.lorentzstraat  –  Dialuna anochi pa mas o menos 10:30 ta sosode un accidente fuerte ariba crusada di Weststraat cu Prof.lorentzstraat 

Na yegada polis a haya ariba e crusada un Toyota Yaris completamente destrui dilanti y algun meter bandi drechi di e Yaris un BMW cu sla den porta.

Ariba e crusada aki mayoria biaha falta di preferencia ta hunga un rol grandi.

Hopi biaha chauffeur/nan ariba Weststraat bayendo nort no ta para na e crusada of no sa mes cu nan a subi e crusada y esaki cu tur e consecuencianan peligroso cu ta bin cu ne.

E biaha aki tres persona a resulta herida, unda a presenta dos ambulance na e sitio.

Na final ambulancenan a transporta esnan herida pa Hospital. 

Segun nos a compronde lo no ta trata di heridonan serio.

Durante cu polis tawata atende e accidente parti pazuid di caminda un Nissan Versa a dal tras di un Nissan Cube cu a slowdown pa subi caminda. Posiblemente chauffeur di e Versa lo no a ripara cu e Cube su dilanti a para completo y ta dal su tras.

Un daño material chikito y ningun persona herida.