Home Police Velocidad halto a pone Hyundai dal tras di March, dos dama y...

Velocidad halto a pone Hyundai dal tras di March, dos dama y un cabayero a resulta herida

SHARE

Rooi Santo: Diadomingo algo despues di 6’or di atardi a sosode un accident cu tres persona herida y hopi daño material, riba e caminda di Rooi Santo na Noord. Mesora a pidi pa presencia di polis, ambulance y materiaalwagen.

Na yegada di polis nan a bin compronde cu un Nissan March cu 4 occupante tabata bayendo direccion Noord y un poco panort di Ting Wei Supermarket, un Hyundai Accent berde maneha pa un cabayero a dal sin cera brake tras di e March. E impacto tabata hopi fuerte, lagando dos dama herida, un tabata keha di hopi dolor di brasa, aparentemente e lo por a fractura su brasa y e otro dama tabata tin hopi dolor na su cachete.

Mientras cu polis tabata haciendo investigacion y e paramediconan na e sitio tabata preparando e dos damanan pa transportanan pa hospital, e chauffeur di e Hyundai Accent a cuminsa sinti dolor na su nek y e tambe a wordo transporta pa hospital.

Materiaalwagen tambe a yega na e sitio, pero no tabata necesario, e personanan a sali for di e auto caba.